Јапонецот Рјоји Кобајаши најдобар на првата скокалница од четирите на „Новгодишната турнеја“/Оберстдорф, Германија/29 декември 2021/Фото: EPA-EFE/PHILIPP GUELLAND

ВИДЕО: Започна „Новогодишната турнеја“, Кобајаши со неверојатен лет од 141 метар

Рјоји Кобајаши не само што одушеви со летот на првата скокалница во Оберстдорф во рамките од 70 издание на Новогодишната турнеја, Јапонецот е во сериозна трка и за Светскиот куп.

Започна официјално турнејата „Четири скокалници“, а на стартот во германскиот Оберстдорф видовме прав спектакл. По победата во квалификациите, Кобајаши ја потврди одличната форма и триумфираше на првото натпреварување од новогодишната турнеја.

Во првата серија имаше скок од 128,5 метри и беше дури петтопласиран, но во втората серија со неверојатен лет од 141 метар, беше подобар од Јохансон, Линдвик, Гранеруд и Гајгер и дојде до победа.

Првопласираниот после првата рунда, Роберт Јохансон не успеа да ја задржи предноста во втората, но за 0,3 бода беше подобар уште од еден Норвежанец Линдвик и го освои третото место, а како второпласиран заврши Гранеруд.

Минатогодишниот шампион Камил Штох сигурно нема да ја одбрани титулата бидејќи не се пласираше во втората рунда, а многу несреќен беше и поранешниот светски победник Северин Фројнд, кој одлично скокна во првото коло, но беше дисквалификуван поради својата опрема.

Следното натпреварување е во Гармиш Партенкирхен (Германија), каде квалификациите ќе се одржат на 31 декември, а официјалната програма ќе биде на 1 јануари 2022 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот