Пилотот и копилотот на канадерот што се урна попладнево на грчкиот остров Евија се мртви, потвдија властите. Поради трагичниот настан е прогласена тридневна жалост во грчката армија, соопшти министерот за одбрана на Грција, Никос Дендиас, јави дописничката на МИА.

Πτώση καναντέρ κατά τις προσπάθειες κατάσβεσης στην περιοχή του Πλατανιστού στην Κάρυστο.#ERTNews #ΕΡΤ #πυρκαγιά pic.twitter.com/J0ohmzQmMH

— ΕΡΤ (@ertofficial_) July 25, 2023

Жртвите се идентификувани како 34-годишниот пилот Христос Мулас и неговиот 27-годишен копилот Перикле Стефанидис.

Министерот за одбрана Никос Дендиас рече дека тие ги загубиле животите „за време на должноста додека се обидувале да ги заштитат животите и имотот на граѓаните, како и природата на нашата земја“.

„Нашите мисли се со нивните семејства и колеги, на кои им изразуваме најдлабоко сочувство“, додаде тој.

Грчкото Министерство за одбрана прогласи тридневна жалост во вооружените сили за пилотите кои ги загубија животите во гаснењето на пожарот над Евија.