Често пати спортот знае да ги сплоти фановите како што тоа не може ништо друго, сведоци за тоа бевме и во вчерашното финале на турнирот во Тел Авив.

Во финалната пресметка силите на теренот ги одмерија Новак Ѓоковиќ и Марин Чилиќ. Финалето не донесе голема неизвесност затоа што Ѓоковиќ сигурно стигна до победата. Меѓутоа сцената која најмногу привлече внимание се случи на трибините.

Навистина убаво беше да се види како фанови кои носат хрватски дресови веат српско знаме. Сите добро знаеме каква е ситуацијата на Балканот и дека ваквите ситуации за жал не се честа појава.

И коментаторот на „Спорт Клуб“ оваа сцена ја опиша како најубава не само во финалето, туку воопшто на целиот турнир во Тел Авив.