Јапонските спасувачки екипи денеска ја продолжуваат акцијата за да го извлечат возачот на камионот кој пред 24 часа остана заробен кога на површината на патот во предградие на Токио се создаде огромна дупка.

Несреќата се случила вчера наутро во Јашио, предградие во северниот дел на Токио, кога се отворила огромна дупка длабока шест метри, проголтувајќи го камионот заедно со неговиот возач.

„Спасувачките операции продолжуваат 24 часа“, но „не можеме да контактираме со возачот“, изјави утринава за АФП портпаролот на противпожарната служба.

A sinkhole the size of a swimming pool opened up on a busy street in Japan, swallowing a truck and trapping the driver. pic.twitter.com/UocJodb7Qy

— Sky News (@SkyNews) January 28, 2025

Вчера, на неколку метри од првата, среде крстосница, се создала втора дупка, додека спасувачките екипи ја извлекувале првата приколка на камионот, која била одвоена од кабината на возачот под земја.

Претставникот на противпожарната единица истакна дека жителите на приградската населба во радиус од двесте метри биле брзо евакуирани.

Возачот можел да комуницира со екипите за итни случаи до вчера попладне, но потоа се загубил контактот со него.