Луксузната лимузина Аурус за која се верува дека е дел од службениот возен парк на рускиот претседател Владимир Путин експлодира во Москва. На снимката се гледа возило Аурус Сенат, вредно околу 320.000 евра, како гори на сред улица, недалеку од седиштето на руската тајна служба ФСБ на Лубјанка.

Government car burns down in central Moscow

On the night of March 29, an Aurus Senat belonging to the Presidential Property Management Department of the Russian Federation caught fire pic.twitter.com/dmR72hRcAi

— 🇺🇦 paolo (@paolobucci18) March 29, 2025

Се верува дека автомобилот припаѓа на возниот парк на Претседателската канцеларија за управување со имот, која е задолжена за имотот на Кремљ. На снимката се гледа како пожарот од моторот се проширил во внатрешноста на возилото. Не е познато кој бил во автомобилот во моментот на експлозијата. Причината за пожарот се уште не е позната, а според достапните информации во инцидентот нема повредени или загинати.

Претседателот Путин (72) редовно користи руски лимузини Аурус, а една од нив неодамна му подари на севернокорејскиот лидер Ким Џонг Ун.

Овој инцидент веројатно дополнително ќе ја засили и онака силната параноја во Кремљ дека странски агенти подготвуваат атентат врз рускиот лидер.

На почетокот на годината, Кремљ издаде предупредување дека секој обид за атентат врз Путин може да предизвика нуклеарен одговор. Во јануари, претседателот на рускиот парламент, Вјачеслав Володин, издаде сериозно предупредување до потенцијалните атентатори.

A luxury Aurus Senat worth 30 million caught fire in the center of Moscow on Sretenka.

According to preliminary data, the Aurus was let down by a flaming engine, and then the fire spread to the interior. There are no known casualties yet. pic.twitter.com/xMWG4Xje9y

— brane mijatovic (@brane_mija64426) March 28, 2025

-Планирањето на убиството на претседателот Путин – па дури и само дискусијата за можноста – е кривично дело, сериозна закана за глобалната безбедност и директен пат кон нуклеарна војна. Сите меѓународни институции треба да го сметаат ова како основа за покренување истрага – рече тој.

Во изминатите неколку месеци беа убиени и голем број високи руски воени функционери, што дополнително ги подгреа стравувањата во Кремљ. Така, во декември, генерал-полковник Игор Кирилов беше убиен во Москва, заедно со неговиот помошник, кога експлодираше бомба поставена на неговиот скутер. Кирилов ги предводеше руските сили за заштита од радијација, хемиско и биолошко оружје и е обвинет за одобрување и надзор на употребата на хемиско оружје на боиштата во Украина.