Митрополитот Петар ги нарече „изманипулирани“ верниците кои деновиве бараа епископот Партениј да биде дел од процесот на избор на нов митрополит во Охрид, објави „Религија“. Тој во проповед по одржаната литургија, за Партениј говорел дека е „крадец на човечки души“.

-И тоа кои? Оние што се во неволја. А тоа се луѓето кои биле подложни на зависност од дрога и од пијанство и од други работи. Па лечејќи ги од дрогата ги направија нивни заробеници. Да бидат робови на тоа што тие ќе им го кажат. Ниту еден духовник во било кој манастир нема право да собира верници околу себе и да се прави дека тој има духовни чеда, зашто согласно светите канони и Уставот на МПЦ и правилникот за монаштвото, духовниците во манастирите се духовници на нивните духовни чеда кои се монаси или монахињи ако е поставен да биде духовник и на женски манастир и на искушениците, ништо повеќе. Сето тоа другото е измама, рече тој.