ВИДЕО | Вистински шампион: Ѓоковиќ го освои турнирот во Торино и се изедначи со Федерер
Српскиот тенисер Новак Ѓоковиќ го освои завршниот мастерс во Торино откако денес во финалето го совлада Норвежанецот Каспер Руд со 2:0 во сетови, 7:5, 6:3.
Препорачано
По шести пат во кариерата Ѓоковиќ го подигна трофејот на турнирот на најдобрите осум тенисери кој означува и крај на сезоната. На вечната листа по бројот на освоени трофеи Ѓоковиќ се изедначи со неодамна пензионираниот Роџер Федер.
? DJOKO-SIX ?
The moment @DjokerNole defeated Ruud to claim his SIXTH #NittoATPFinals title! pic.twitter.com/PBJbuFjdPi
— Tennis TV (@TennisTV) November 20, 2022
Претходно завршниот мастерс Ѓоковиќ го освојуваше во 2008, 2012, 2013, 2014 и 2015 година во три различни градови. Пред Торино славеше еднаш во Шангај и четири пати во Лондон.
Кога се ќе се собере сезоната за Ѓоковиќ е одлична, а веројатно можеше да биде и подобра ако му беше дозволено да игра на Австралија Опен и УС Опен. Ѓоковиќ го освои Вимблдон, а на Ролан Гарос стигна до четвртфиналето. Славеше и на мастерсот од серијата 1000 во Рим.
Одлична сезона зад себе има Руд, но има и три изгубени големи финалиња. На Ролан Гарос изгуби од Надал, на УС Опен од Алкараз и сега во Торино од Ѓоковиќ. Вечерва Норвежанецот немаше шанси против одлично расположениот Ѓоковиќ.
