Екипата на Реал Мадрид вечерва не успеа да дојде до победа против Лас Палмас и во рамките од третото коло одигра само 1:1.

Домаќините го изненадија фаворитот и по само пет минути ја погодија мрежата на Куртоа за рано водство. Предноста Лас Палмас ја чуваше се до 69. минута кога Винисиус од пенал погоди за израмнување.

Со тој гол беше поставен и конечниот резултат, па Реал по три кола има само пет бода бидејќи одигра реми и против Мајорка во првото коло.

Килијан Мбапе кој пристигна со големи очекувања и по три натпревари се уште е без гол во шпанското првенство.