Денеска продолжија натпреварите од квалификациите за пласман на Светското првенство 2026 година, во групата Ј во која настапува и Македонија, фудбалерите на Велс на гости во Астана со 1:0 славеа над Казахстан.

Единствениот гол за победа на Велшаните го реализираше Мур во 24 минута од средбата.

Тоа е трет триумф за избраниците на селекторот Крег Белами во квалификацискиот циклус и сега се првопласирани со 10 бодови, два повеќе од Македонија на втората позиција.

Нашата селекција очекуваме повторно да се врати на врвот со триумф в недела во Скопје против Лихтенштајн.

Велс својот следен дуел во квалификациите ќе го има на 13 октомври дома против Белгија, додека Казахстан за три дена ќе играат на гости против Белгијците.