Фудбалерите на Вардар покрај тренинзите ја темпираат формата за новата сезона и со одигрување на контролни натпревари.

Скопските „црвено-црни“ моментно се на подготовки во Словенија каде денеска го имаа и својот втор пријателски меч.

По триумф во првиот тест од 3:0 против Будуќност од Црна Гора, овојпат играчите на тренерот Гоце Седлоски загубија со 2:0 против словенечката Олимпија Љубљана.

Стрелци на головите на словенечката екипа беа Диого Пинто во 65 и Там во 78 минута од средбата во Раденци.

Според најавите Вардар својот следен контролен дуел ќе го има на 24 јуни против Рапид Букурешт од Романија со почеток од 17.30 часот.

Вардар е активен и на трансфер пазарот, нов играч на тимот е аргентинскиот одбранбен фудбалер Мануел Куестас кој потпиша договор на четири години.

Головите од натпреварот Вардар – Олимпија Љубљана можете да ги погледнете на следниот линк ТУКА