ВИДЕО: Ужасни слики од Газа каде за 24 часа убиени се над 700 луѓе

Фото: Твитер

Во израелските напади во Појасот Газа во изминатите 24 часа се убиени најмалку 700 луѓе, соопшти портпарол на Хамас, пренесува ДПА.

Портпаролот рече дека многу од загинатите се под урнатините и дека спасувачките служби имаат големи тешкотии да стигнат до повредените и да ги однесат во болница.

Израелската војска, пак, и денеска ги повика жителите на одредени области во јужниот дел на Појасот Газа да се евакуираат и да заминат во засолништата кон границата со Египет. Во меѓувреме продолжуваат бомбардирања во Газа.

Истовремено, според списокот што го објавија граничните власти од палестинска страна, денеска се очекува од Појасот Газа преку преминот Рафа во Египет да влезат над 600 странски државјани и Палестинци со двојно државјанство.

Списокот вклучува повеќе од 300 американски и канадски државјани, како и голем број Германци, Норвежани, Грци, Турци и Филипинци. Според Канцеларијата на ОН за координација на хуманитарни прашања, граничниот премин е отворен за речиси 900 странски државјани и лица со двојни државјанства откако истече прекинот на огнот во петокот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ