Украина во понеделникот соопшти дека нејзини беспилотни летала погодиле руска фабрика за борбени авиони во московскиот регион и погон за производство на ракети во регионот Тула, предизвикувајќи експлозии и пожари на обете локации, објави Ројтерс.

Украинската војска на Телеграм соопшти дека фабриката за авиони се наоѓа во градот Луховици, околу 135 километри југоисточно од Москва, и дека таму се произведуваат борбени авиони МиГ. Другата цел бил Институтот за дизајн на инструменти, кој е специјализиран за производство на противвоздушни ракети и ракетно-артилериски системи.

Massive overnight drone attack hit several regions in Russia. Explosions reported in Moscow region, Tula, Kursk, and Taganrog. A drone plant near Moscow and missile system design bureau in Tula were among the targets. Russia says 155 drones were involved. pic.twitter.com/RT2zq1dcw8

— WarTranslated (@wartranslated) July 11, 2025

„Одбранбените сили продолжуваат да преземаат сите мерки за да го поткопаат воениот и економскиот потенцијал на руските окупатори и да ја принудат Русија да ја запре својата вооружена агресија против Украина“, соопшти украинската војска.

Соборени 155 украински беспилотни летала, тврдат Русите

Руското Министерство за одбрана соопшти дека помеѓу 23 часот во четврток и 7 часот наутро во петок, соборени се 155 украински беспилотни летала, вклучувајќи 11 кои биле насочени кон Москва.

Гувернерот на областа Тулса, Дмитриј Милјаев, изјави на Телеграм дека едно лице е убиено, а друго е повредено во украинскиот напад врз регионот, околу 200 километри јужно од Москва.