Претседателот на Туркменистан Гурбангули Бердимухамедов нареди денеска да се изгасне пожарот кој со години гореше во пустинскиот кратер кој уште се нарекува и „Порта од пеколот“.

Кратерот се наоѓа на околу 260 километри од главниот град Ашгабат и е главна атракција за малиот број туристи кои успеваат да влезат во Туркменистан, каде тешко се влегува.

Порталот Туркменпортал пренесува дека кратерот настанал по неуспешно ископување на природен гас во 1971 година. За да се спречи изливањето на гасот геолозите го запалиле огнот и очекувале дека гасот ќе изгори за неколку недели. Но огнот гори и ден денес.

Се наведува дека кратерот ќе биде изгасен од еколошки и здравствени причини.