Foto: Profimedia

Потресна приказна, му ја исполниле последната желба: Човек на смртна постела го погледнал новото продолжение на „Дина“ пред сите

Долгоочекуваното продолжение на „Дина“ (Dune) во моментов е најголемиот хит во филмскиот свет, а откако изминатиот викенд се одржа светската премиера на „Дина: Втор дел“ (Dune: Part Two), обожавателите не престануваат да зборуваат за филмот.

Но, еден обожавател го гледал филмот пред сите други, а зад сето тоа се крие тажна приказна. Имено, шест недели пред официјалната премиера, филмот тајно бил прикажан на одделот за палијативна нега во болницата во Квебек, пишува „Вашингтон пост“.

Еден пациент за своја последна желба посакал да го погледне новото продолжение на филмот, па од болницата го контактирале режисерот Денис Вилнев. Режисерот и неговата сопруга првично сакале да го угостат обожавателот во нивниот дом, но тој бил преслаб за патување, а кога станало јасно дека се ближи неговиот крај, асистентот на режисерот веднаш одлетал за Квебек со својот лаптоп за му ја исполнат последната желба.

Сите вклучени морале да потпишат договор за доверливост. Оние кои присуствувале на филмската проекција морале да ги остават своите мобилни телефони надвор од болничката соба во која се прикажувал филмот, а просторијата била замрачена и изолирана од погледи.

Foto: Image Capital Pictures / Film Stills / Profimedia

Од здружението „Л’Авант“ (L’Avant), кое ги исполнува последните желби на луѓето пред умирање, откриле дека организирањето на целиот проект било напорно:

„Бевме ограничени со време бидејќи на пациентот му останаа само уште неколку недели живот. Но, тимот кој работеше на ‘Дина’ беше исклучително трогнат од оваа желба и ни рече дека токму за ваквите луѓе создаваат филмови.“

Човекот, поради преголемите болки успеал да погледне само половина од филмот, а неколку дена подоцна починал. Се дознало дека бил во своите 50-ти години и дека имал тежок живот, пишува „Вашингтон пост“.

 

ФОТО+ВИДЕО | Објавен трејлерот за „Дина: Втор дел“: Ликот на Тимоти Шаламе е спремен за одмазда

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот