Александар Трајковски се наоѓа во одлична форма, а тоа го покажува во дресот на Ал Фејха во професионалната фудбалска лига на Саудиска Арабија.

Денеска неговиот клуб на домашен терен со конечен резултат 2:0 триумфираше над составот на Абха.

Нашиот репрезентативен напаѓач кој го одигра скоро целиот натпревар, беше асистент на првиот погодок (45+2`) кој го реализираше Бразилецот Паулињо (1:0).

Конечниот епилог беше поставен во самиот финиш од средбата преку Мадаш, а асистенција запиша Ал Сафари.

На табелата Ал Фејха после шестата победа сезонава е на осмата позиција со 23 бодови, а во следното коло на 9 март ќе му гостува на третопласираниот Ал-Шабаб.