Oдбојкарската репрезентација на Македонија зад себе има фантастично Европско првенство на кое успеавме да се пласираме во осминафиналето.

Двете победи во групната фаза против Данска и Црна Гора беа доволни да обезбедиме историско осминафинале каде што налетавме на пресилните Италијани кои се веројатно најсилната селекција во светот во овој момент.

Македонија нема за што да биде незадоволна, ова беше историски успех за нашата одбојка.

Сега се избрани и најубавите поени на првенството кои ги постигнаа македонските одбојкари. Четири поени се на Филип Маџунков, три на капитенот Никола Ѓоргиев, и по еден на Владо Милев, Александар Љафтов и Филип Деспотовски кој, според ЦЕВ, го има и најубавиот поен.