Актерот Тони Михајловски, заедно со сопругата Александра Јорева – Михајловски, изминативе денови уживаше во преубавото село Горна Белица, во областа Дримкол кај Струга. Но, она што го доживеа таму, Тони одлучи да го сподели со своите илјадници следбеници.

Имено, по семејниот ручек, сопругата го замолила да пешачат, убедувајќи го дека ќе се чувствува подобро. Тони прифатил, не знаејќи што го чека. Откако сфатил дека пешачењето не е за него, одлучил да сними видео, нешто што никогаш не го направил, во обид „да ги документира своите последни 2000 чекори“.

„Јас досега немам објавено содржина на Инстаграм. Некако не чувствував потреба. Си велев, стар човек, нема потреба да се мешам таму каде што младите се мешаат. Ама ете, ќе те натера зорт некогаш да го направиш тоа. Па, еве, да ви кажам, се наоѓам… односно, не се наоѓам… умирам… во Горна Белица. Зашто жена ми, ова суштество овде… ми кажа дека после ручек е многу убаво да се прошеташ. И тргнавме, сѐ беше удолница, и ѝ велам: ‘Ајде, те молам, да се вратиме.’ А таа ми вели: ‘Те молам, барем 2000 чекори да направиме.’ Е, сега ги правиме, најверојатно, моите последни 2000 чекори. Така што… до следното видување, се гледаме“ – рече актерот.

 

View this post on Instagram

 

A post shared by Toni Mihajlovski (@toni.mihajlovski)

Видеото за кратко време собра илјадници лајкови, а Михајловски доби многу позитивни коментари, кои можеби дополнително ќе го мотивираат, почесто да објавува забавна содржина на својот инстаграм-профил.