Далматинците како раса важат за едни од најинтелигентните видови, а со своето уникатно точкасто крзно се издвојуваат како посебно убави животни. Оваа раса пред десетина години беше вистински тренд, денес е реткост. Кучето Тила е раритет во Македонија, ако ја забележите не останувате рамнодушни, таа е впечатлива не само со својата појава, туку и со темпераментот. Скопјанецот Трајче Галевски ја чува веќе неколку месеци и вели дека неговото куче е специфично по многу работи, но во последно време го изненадува тоа што таа реагира на една песна. Тој вели дека редовно слуша музика пушта различни песни, но Тила пее само на песната „Нема лага“ од Страјк, додава Гaлевски за „Слободен печат“.

На прашањето колку време ја има Тила, Галевски вели дека ја чува 7 месеци.

-Ја зедов на еден месец и некој ден, мајката Тара почина на третиот ден од кога се породи, па така одлучив да си ја земам и да ѝ ја дадам сета љубов- Трајче.

За далматинец се одлучил затоа што пред десетина години ја имал таа раса.

– Тоа куче ми го отруја пред 18 години. Многу бев поврзан со него и многу го сакав. Плус, расата е птичар па така може да ме следи во моите планинарски активности- вели Галевски.

Тој вели дека леглото е од Велес, но за жал мајката починала, па така веќе од тоа легло нема кученца.

-Тешко е да се чуваа далматинецот како раса. Посебно ако не сте физички активни и не сакате природа дефинитивно оваа раса на куче не е за вас, него му правите неубаво бидејќи бара доста трчање во текот на денот- вели Трајче.

За Тила вели дека е легенда сама по себе, може е необично, но Тила е како мало човече со карактер.

-Ова ми е прва женка што ја имам и искрено да ви кажам е екстремно паметна и многу послушна. Секаде се шета со мене одврзана (освен во сообраќај) бидејќи постојано оди до мене и не се дели од мене- вели Галевски.

Раскажува дека Тила знае да се налути го врти грбот и така седи и ми дава до знаење дека е лута.

– За Тила би издвоил и дека е специфична по тоа што забележав дека во последно време реагира некако посебно кога ќе ја пуштам песната „Нема лага“ од Страјк, како да почнува да пее, многу е интересна и тоа само на оваа песна. Кај мене дома редовно се слуша музика, на ниту една друга песна нема никаква реакција- вели Трајче.

Погледнете на видеото како пее Тила: