Фото: ГФК Тиквеш

ВИДЕО | Tиквеш со фуриозни 15 минути до голем пресврт и победа против Бреидаблик

Екипата на Тиквеш со голем пресврт во својот дебитантски настап во европските квалификации славеше победа против Бреидаблик со 3:2 откако на полувремето губеше со 0:2.

Тиквеш натпреварот го започна со две добри прилики во првите десет минути, но кога не реализираа на спротивната страна стигна казната. Се играше 13. минута кога Елинарсон го отвори резултатот.

Продолжи да има иницијатива Тиквеш и по примениот гол, меѓутоа одново недостасуваше тој завршен пас и реализација пред голот. Од друга страна Бреидаблик од својата втора шанса постигна и втор гол преку Кристинсон за 2:0.

Второто полувреме започна тивко без многу прилики, меѓутоа во последните 15 минути видовме фуриозен финиш на Тиквеш кој постигна три гола и така обезбеди одличен резултат во реваншот за седум дена на гостински терен.

Пресвртот започна со голот на Кристијан Стојкоски во 74. минута. Стојанов со најубавиот од сите пет голови што ги видовме денес во 80. минута израмни на 2:2. Ги искористи тие моменти Тиквеш, па во 83. минута постигна и трет гол за 3:2, погоди Бразилецот, Лео Гуера.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот