Рано утрово околу 4.30 часот автобус со косовски регистарски таблички удрил во  камион на обиколницата кон Ќустендил, соопшти бугарската полиција, пренесе БНР.

„Нема тешко повредени патници“, изјави портпаролката на регионалната дирекција Катја Табачка.

Бугарските медиуми јавуваат дека автобусот удрил во запрен камион. Возачот на камионот се обидувал да сигнализира дека дрво паднало на коловозот.

При судирот камионот бил истуркан од патот. Возачот на автобусот е полесно повреден. 29 од патниците, од кои 6 деца, се сместени во општинска просторија за да се заштитат од студот.

Сообраќајот на патната делница се уште е блокиран. За случајот е поведена предистражна постапка, а известен е и дежурен обвинител.