ВИДЕО | Тепачка при апсењето на сопственикот на разгорената депонија во Визбегово
Медиуми пренесуваат дека при апсењето на сопственикот на депонијата во Визбегово каде утрово изби огромен пожар кој можеше да се види насекаде низ Скопје, избила огромна тепачка и турканица.
Препорачано
Полицијата го приведе А.Н., сопственикот на правното лице кое управува со отпадот за старо железо во скопската населба Визбегово.
Приведувањето следуваше откако на локацијата избувна голем пожар, при што сопственикот не ги почитувал наредбите на надлежните, при што дошло и до масовна тепачка меѓу група граѓани и полицијата, што може да се забележи на видеото од Сител телевизија.
Дудуш: Фирмата која што ја поседува депонијата во Визбегово нема валидна дозвола
Од Министерството за внатрешни работи потврдија дека денеска во 09:16 часот бил пријавен пожар на отпад за старо железо на улица „Б.Буна“ во Скопје, каде што гореле хаварисани возила со плински уреди, при што се слушале и детонации. Според досегашните информации, нема зафатено приватен имот.
ЦУК: Пожарот во Визбегово се шири кон куќите, можна евакуација на жителите ако е потребно
