ВИДЕО | Тејлор Свифт објави нов албум: Ова беше патување низ ужаси и слатки сонови
Американската пејачка Тејлор Свифт ѝ се врати на поп-музиката со новиот албум „Полноќ“, кој го објави денес и ги израдува нејзините верни обожаватели.
Препорачано
Ова е нејзин десетти студиски албум, на кој таа ги преточи своите лични приказни во 13 музички нумери.
„Оваа музичка колекција настана среде ноќ, патување низ ужаси и слатки сонови. Подовите по кои одевме и демоните со кои се соочуваме. За сите нас кои се свртевме и решивме да ги оставиме фенерите запалени и да тргнеме во потрага, надевајќи се дека можеби, кога ќе дојде полноќ… ќе се пронајдеме себеси“, напиша Свифт во описот на албумот.
Midnights, the stories of 13 sleepless nights scattered throughout my life, will be out October 21. Meet me at midnight.
Pre-order now: https://t.co/jjqUNkphuG pic.twitter.com/Fh96zK8vro
— Taylor Swift (@taylorswift13) August 29, 2022
Во објава на Инстаграм, пејачката ја изрази својата среќа што повторно соработува со музичарот Џек Антоноф.
„Тој е мој доживотен пријател и ние заедно создававме музика речиси една деценија. Како и да е, ова e наш прв албум што го направивме само ние двајца, како главни соработници“, вели таа.
„Џек и јас се најдовме во Њујорк, сами, снимавме секоја вечер, останувавме будни до доцна и „копавме“ по старите спомени. Албумот е колаж од интензитет, подеми и падови, одливи и текови. Животот може да биде мрачен, ѕвезден, облачен, страшен, наелектризиран, топол, ладен, романтичен или осамен. Исто како ‘Полноќ’“, раскажа Свифт.
View this post on Instagram
Пред претставувањето на албумот, беше најавено дека Свифт ќе објави и „музички видеа“ за него, за кои повторно ќе соработува со кинематограферката Рина Јанг.
„Сакам да раскажувам приказни, да пишувам песни, да снимам спотови и да ги режирам. И ова беше навистина забавна можност повторно да работам со кинематограферката Рина Јанг“, објасни пејачката.
Тејлор Свифт веќе го објави видеозаписот за песната „Anti-Hero“, која е една од нејзините најдраги песни кои некогаш ги напишала.
Во текот на песната, Свифт деталнo ги опишува нејзините несигурности и лични стравови, истакнувајќи дека може да биде „исцрпувачко секогаш да се навива за анти-херојот“, додека се опишува себеси како „проблем“.
