Откако младата Иранка, Махса Амини, беше убиена од страна на иранската морална полиција поради неправилно носење на шамијата, земјата е потресена од секојдневни протести.

Учествуваат и жени и мажи, кои сакаат живот ослободен од строгите правила на Исламската Република.

Светот ја знае приказната на Махса Амини, но што е со секојдневните ризици и опасности со кои се соочуваат жените додека продолжуваат да протестираат?

По повеќе од два и пол месеци, жените ги испраќаат своите мисли како гласовни пораки, текстови и цртежи до Саба Завареи, новинарка на Би-Би-Си. Сите тие пораки таа ги споила во еден дневник, а имињата на жените се сменети заради нивна безбедност.