Десетици мртви делфини умираат исфрлени на сомалиска плажа, соопштија денеска жителите и властите на таа земја на Рогот на Африка. Според очевидци, најмалку 100 морски цицачи се исфрлени на плажа лоцирана помеѓу пристаништето Босасо и плажата Марееко во јужниот регион Пунтланд вчера, во четврток попладне.

„Министерството за животна средина и Министерството за рибарство работат заедно за итно да го истражат овој необичен инцидент“, објави регионалната влада, ветувајќи официјален извештај за можните причини.

Не може да се потврди точниот број на делфини, соопштија регионалните власти, додавајќи дека „локалните жители проценуваат дека околу стотина делфини излегле на брегот“.

Во порака објавена денеска на Фејсбук, Министерството за животна средина на Пунтланд објави дека жителите успеале да спасат околу 30 делфини и да ги вратат во вода.

Over 100 Injured Dolphins Wash Ashore in Northern Somalia, Shocking Local People pic.twitter.com/3GRsyxWT1o

— Nature is Amazing ☘️ (@AMAZlNGNATURE) January 23, 2025

„Бројот на делфини кои се насукаа на брегот е до 140 и повеќето од нив се мртви, иако некои се уште се живи “, рече очевидец Абулачи Музе.

„Тоа е ужасен инцидент, вакво нешто досега не сме виделе“, додаде тој.

I was deeply saddened by what happened in Marero village, Puntland, where more than 100 dolphins washed ashore, some dead and others injured.?#Somalia #Puntland #Marero #Dolphins #EnvironmentalTragedy #SaveMarineLife pic.twitter.com/pDscFv7w2j

— Layla Isaaq (@LaylaIsaaq) January 24, 2025

Други очевидци објавија слични бројки.

Според Министерството за животна средина, инцидентот може да се должи на нелегални рибарски мрежи и загадување на водата.