Првата пролетна седница на српскиот парламент веднаш по почетокот се претвори во целосен хаос, бидејќи пратениците од опозицијата внесоа факели во салата, кои во еден момент ги запалија.

Беа запалени неколку факели, а во салата не се гледаше ништо, додека пратениците се гушеа од чадот.

За неколку моменти беа фрлени шишиња и кон пратениците од опозицијата, кои на насилството одговорија со развиорување на српски знамиња.

Претседателката на Собранието Ана Брнабиќ од говорницата изјави и дека на пратеничката Јасмина Обрадовиќ ѝ се слошило и дека итната помош интервенирала откако била изнесена од салата.

pic.twitter.com/iALcpVk47S

— Ime Prezime (@Lozinkaje47169b) March 4, 2025

„Таа е во критична состојба, имаше мозочен удар и се бори за живот. Таа е во смртна опасност бидејќи ја погоди шок-бомба“, изјави Брнабиќ.

Станува збор за пратеничка од списокот на Александар Вучиќ, родена 1961 година, која дипломирала економски науки. Пратеничка е од 2012 година.

ВИДЕО: Димни бомби и хаос во српското Собрание