Украинскиот претседател Володимир Зеленски се сретна со Вселенскиот патријарх Вартоломеј при што на средбата разговарале за мирот, верската слобода и иднината на украинската црква.

Зеленски го информираше патријархот за заштитата на верската слобода, соработката со американските партнери и го покани патријархот да ја посети Украина, пишува на официјалната страница на украинскиот претседател.

Во објава на својот личен профил на Икс, украинскиот претседател наведува:

„Со Вселенскиот патријарх Вартоломеј разговарав за начините за постигнување вистински мир и понатамошен развој на црквата во Украина.  Го информирав за заштитата на верските слободи во Украина, споделив детали за нашата соработка со американскиот тим и го поканив Неговата Светост да ја посети Украина. Му благодарам на Вселенскиот патријарх за неговата поддршка, солидарност, одбрана на интересите на Украина, неговите постојани молитви за сите Украинци и неговата осуда на постапките на Руската православна црква, која го благослови убиството на Украинците“, нагласува Зеленски.

I discussed with Ecumenical Patriarch Bartholomew the ways to achieve a genuine peace and the further development of the church in Ukraine.

I informed him about the protection of religious freedom in Ukraine, shared details of our cooperation with the American team, and invited… pic.twitter.com/2XHsK8XWdq

— Volodymyr Zelenskyy / Володимир Зеленський (@ZelenskyyUa) September 23, 2025