Интер Мајами доживеа тежок пораз од 3-0 во финалето на Лига-купот против Сиетл, но резултатот на теренот падна во втор план поради нов инцидент во кој се најде Луис Суарез. Уругвајскиот напаѓач повторно го покажа своето темпераментно однесување, откако по завршувањето на натпреварот влезе во жесток вербален конфликт со стручниот штаб на противничкиот тим.

Ситуацијата кулминираше кога Суарез, видно изнервиран, го плукна помошниот тренер на Сиетл, Џин Рамирез, директно в лице. Рамирез остана прибран и не возврати на провокацијата, но инцидентот не остана незабележан од камерите и јавноста.

Luis Suárez appeared to spit on a Seattle staff member after the final whistle in the Leagues Cup Final 👀

🎥: @MLS pic.twitter.com/gCMLdbwDlC

— FOX Soccer (@FOXSoccer) September 1, 2025

Очекувано, ова однесување предизвика бурни реакции. За фудбалер со реноме и искуство како Суарез, ваквите постапки се целосно недозволиви. Лигата најави дека ќе отвори дисциплинска постапка, а не се исклучува можноста за сериозна суспензија.

Суарез и во минатото беше дел од низа контроверзии, од гризањето на противници, до навреди и провокации.

Suarez spits in the face of a Seattle Sounders coach after losing 3-0 in the Leagues Cup final… #therat now… #thellama pic.twitter.com/vicJZnAiY3

— Thomas Hull (@theGloPro) September 1, 2025