ВИДЕО | Со засилена механизација се работи на затрупување на изворот на чад во „Дрисла“
Во депонијата „Вардариште“ пак, каде што исто така имаше чадење претходните денови, ситуацијата е оценета како стабилна, но и таму продолжуваат активностите.
Директорот на Дирекцијата за заштита и спасување, Стојанче Ангелов, информираше за состојбата на депонијата „Дрисла“, посочувајќи дека од утрово напорно се работи на затрупување на делот од каде што чади.
Препорачано
„Направивме два пристапни земјени патишта до местото кадешто се случува чадењето. Денес, со засилен број механизација – багери, камиони, булдожери – се чисти теренот и се работи на затрупување. Очекувам добар дел од местото во текот на денот да биде целосно затрупано“ рече Ангелов.
Тој нагласи дека дополнително е побарана нова механизација, а се отвора и нов фронт за работа за повеќе градежни машини.
Во депонијата „Вардариште“ пак, каде што исто така имаше чадење претходните денови, ситуацијата е оценета како стабилна, но и таму продолжуваат активностите.
„Се работи на затрупување на локацијата каде што чадеше. Поставени се термални камери со цел навремено да се идентификуваат и пресретнат лица кои евентуално би се обиделе повторно да предизвикаат чадење,“ рече тој.
На терен се и засилени полициски патроли.
