Првите камиони со околу 185.000 шишиња вакцина против коронавирус тргнаа денеска од фабриката на “Фајзер” во Мичиген.

Breaking – UPS and FedEx trucks carrying the first U.S. shipment of coronavirus vaccine have left Pfizer’s facility near Kalamazoo, Michigan. pic.twitter.com/Cf32ki9gCF

— Pete Muntean (@petemuntean) December 13, 2020

Работниците од фабриката со силен аплауз, работниците ги испратија првите кутии до камионите со кои ќе се транспортира вакцината. Камионите ќе се движат со строга полициска придружба до крајните дестинации во сите 50 американски држави, објави Си-Ен-Ен.

„Со месеци подготвувавме стратегија со соодветните служби за ефикасна логистика за дистрибуција на вакцините и сега е време да се спроведе планот“, рече Вес Вилер, претседател на здравствениот оддел на УПС, голема компанија за испорака.

Уште 3.900 шишиња ќе бидат испорачани подоцна денеска во САД, а утре 400 кутии со приближно 390.000 шишиња ќе бидат испорачани, кои ќе пристигнат во вторник. 

САД очекуваат да имунизираат 100 милиони луѓе со вакцината против коронавирус до крајот на првиот квартал од следната година, изјави денеска шефот на американската програма за брз развој на вакцината против коронавирус, д-р Монсеф Слауи.

„Ќе имунизираме 100 милиони луѓе до крајот на првиот квартал од 2021 година”, рече Слауи во интервју за Фокс њуз Сандеј.

Тој изјави дека Соединетите Американски Држави се надеваат дека ќе имаат околу 40 милиони дози вакцини до крајот на декември, уште 50 до 80 милиони во јануари и исто толку во февруари.

За имунизација е потребно двапати да се прими вакцината.