Денеска погребан е поранешниот југословенски репрезентативец Синиша Михајловиќ, кој на 54-годишна возраст ја загуби битката со леукемијата. Базиликата „Света Марија на ангелите и мачениците“ во Рим, Италија, беше претесна за сите што дојдоа да го испратат последниот поздрав до фудбалската легенда.

Зоран Гајиќ, Министерот за млади и спорт во Владата на Република Србија, присуствуваше на погребот предводен од австриско-швајцарскиот бискуп Андреј Силерџиќ.

Фудбалерите на Лацио на посебен начин го испратија Синиша Михајловиќ. На погребот донесоа вистински орел, легендарната маскота на клубот.

Tifozi @OfficialSSLazio @Inter @Bolognafc1909 i mnogi drugi#SinisaMihajlovic pic.twitter.com/MODsUrOQf5

— ??Marko Mađarev?? (@DjarmaCZBG) December 19, 2022

Во познатата базилика беа присутни и Масимо Фереро и Клаудио Лотито, претседатели на Сампдорија и Лацио. На погребот во име на Црвена звезда дојдоа Звездан Терзиќ, Светозар Мијаиловиќ и Марко Перовиќ.

Италијанските легенди Анџело Перуци и Франческо Толдо дојдоа да го испратат Михајловиќ, исто како и поранешните капитени на Рома, Франческо Тоти и Даниеле Де Роси. Пред базиликата беа видени и Бруно Конти и селекторот на Италија Роберто Манчини.

Селекторот на Србија Драган Стојковиќ дојде во друштво на Ненад Бјековиќ, потпретседателот на Фудбалската федерација на Србија, за да му оддаде последна почит на својот поранешен соиграч од репрезентацијата.

Фудбалерите на Болоња дојдоа да го испратат Михајловиќ предводени од тренерот Тиаго Мот. Тие дојдоа да му оддадат почит на нивниот поранешен тренер кој ги тренираше во изминатите неколку години. Со громогласен аплауз, песни и факели од навивачите го придружуваа поаѓањето на автомобилот со ковчегот на Синиша Михајловиќ кон гробиштата лоцирани во близина на базиликата „Света Марија на ангелите и мачениците“.