Медиумите објавија снимка од апсењето на познатата активистка против климатските промени Грета Тунберг, која денеска беше приведена на протести во германското село Лицерат.

Стотици активисти и демонстранти беа уапсени откако полицијата пред неколку дена дојде да ги избрка од селото, кое се планира да биде урнато за да се прошири постоечки рудник за јаглен.

„Грета Тунберг беше дел од група активисти кои се упатија кон полицата. Таа беше запрена и изнесена од оваа група надвор од непосредната област за да се утврди нивниот идентитет“, изјави портпаролот на полицијата во Ахен за Ројтерс, додавајќи дека еден активист скокнал во рудникот.

Сè уште не е јасно што ќе се случи со Тунберг или со групата со која беше приведена, ниту дали активистот што скокнал во рудникот е повреден, рече портпаролот.