Македонските рапери Тони Петковски, познат како Тони Зен, и Марко Маринковиќ, познат како Слаткар, имаа бројни музички соработки во минатото и важеа за препознатливо дуо на македонската сцена.

Десетина години подоцна, Тони Зен и Слаткар повторно имаат заедничка песна – „Sugar“, а овојпат им се придружи и најпознатата македонска трап група „Два бона“. За целиот проект да биде целосен, свој придонес даде и младата пејачка Антониа Гиговска.

Музиката и текстот се заедничко дело на сите четворица артисти, а аранжманот го направи Марко Јелиќ – Кун од „Два бона“.

Според коментарите на платформата Јутјуб, песната поминува одлично кај слушачката публика.

„Ни треба повеќе од Тони и Слаткар“, „Тони, направи еден ваков албум и покажи им на другите како се работи“, „Која конекција! Ме вративте 10 години назад, кога Тони Зен и Слаткар. Ова е преродба!“, „Мило ми е што повторно ги гледам Слаткар и Тони Зен во песна“, гласат цел од коментарите.