Легендарниот актер Ентони Хопкинс (85) прослави 48 години откако е трезен. За таа прилика сними кратко видео во кое сподели неколку свои размислувања за алкохолот, а воедно и на своите обожаватели им посака среќна Нова година.

„Среќна Нова година на сите“, рекол ентузијастично на почетокот на видеото.

„Сите убаво забавувајте се, а доколку сте мамурни, сетете се на мене. Последен пат бев мамурен пред 48 години, но потоа престанав да пијам. Побарав помош и животот ми се промени“, додал тој.

„Не ви завидувам дека се забавувате“, рекол Хопкинс.

Потоа поттикнал поединци кои се борат со зависноста да побараат помош.

„Но, ако ви треба помош, има време. Животот е составен од делови. Само напред“, позитивно заклучил актерот.

Славниот оскаровец и претходно зборуваше за очајната ситуација во која се наоѓал пред речиси пет децении, пред да се отрезни. Тој, исто така, рекол дека тогаш „веројатно не му останало уште многу живот“, но дека конечно еден ден признал дека нешто не е во ред.