Во последното коло од групната фаза на Светското првенство во футсал се случи скандал во кој главен актер беше францускиот голман Тибо Гарос.

Иран и Франција одлучуваа за првото место во групата Ф, а откако по првото полувреме немаше голови, Иран поведе со скандалозниот гол на Агапур во 25. минута.

Гарос не беше правилно поставен во текот на целата акција, а кога Иранецот шутираше директно во Гарос, францускиот голман ја избегна топката за да заврши во мрежата.

До крајот на натпреварот Гарос прими уште три гола, а Французите успеаја да постигнат еден гол на самиот крај за конечни 1:4.

?? France GK trying REALLY hard to save that shot ??#FutsalWC pic.twitter.com/kU2tCzbA77

— Ta L. (@talao_) September 22, 2024

Се испостави дека Французите поради поразот и освоеното второ место во групата за следен противник во осминафиналето го добија Тајланд, додека Иран ќе игра против Мароко.

Сепак, веќе во четвртфиналето Иранците треба да играат против Бразил, а Французите против победникот од дуелот Парагвај и Авганистан.

Поради тоа, сомнежите се дека Французите намерно загубија од Иран, а за тоа на нефер начин се погрижи голманот Гарос.