Најдобриот тенисер на светот, Италијанецот Јаник Синер, се пласираше во четвртфиналето на Отвореното првенство на САД во Њујорк, откако во Њујорк го победи Казахстанецот Александер Бублик со 6-1, 6-1, 6-1 во осминафиналето.

Ова беше 25 последователна победа на Синер на грен слем турнирите на тврда подлога, откако претходно го освои Отвореното првенство на САД и последните два грен слем турнири на Австралија опен.

Мечот траеше еден час и 21 минута. Ова беше седми дуел помеѓу италијанскиот и казахстанскиот тенисер, а петти триумф за Синер, кој ја брани титулата на САД опен.

Синер ќе игра во четвртфиналето против сонародникот Лоренцо Мусети, кој го победи Хауме Мунар од Шпанија со 6:3, 6:0, 6:1.

Во преостанатите три четвртфиналиња на УС Опен ќе играат: Феликс Оже-Алијасим (Канада) – Алекс де Минор (Австралија), Новак Ѓоковиќ (Србија) – Тејлор Фриц (САД) и Карлос Алкараз (Шпанија) – Јиржи Лехечка (Чешка).