Најмалку четири лица во Полска загинаа во силното невреме што денеска погоди неколку европски земји.

Невремето најсилно го погоди регионот Вроцлав, во западна Полска. Сообраќајот беше прекинат во некои делови од земјата, а силниот ветер собори дрвја и столбови и оштети неколку згради.

Невремето ги зафати и француските региони Бретања и Нормандија, каде беа оштетени неколку куќи, а околу 250.000 домаќинства останаа без струја. Во Нормандија ветерот достигна брзина од 175 километри на час.

A powerful autumn storm blasted across parts of Europe on Thursday, killing four people in Poland and causing damage and disruption across a large swath of the continent. https://t.co/b4tZj4Azqs

— CTV Calgary (@CTVCalgary) October 21, 2021

Погодени се и Германија, Холандија и Белгија, каде се оштетени покривите на многу згради, вклучително и дел од стадионот во Антверпен, пренесе АП.

Четири лица се повредени во холандскиот Барендрехт, а на југот на Англија е издадено предупредување за поплави поради обилните врнежи.