ВИДЕО | Силно невреме со град го зафати Скопје
Попладнево Скопје го зафати силно невреме со град. Врнежите се интензивни и опасност за градинарските култури. Одеднаш улиците во главниот град се испразнија со оглед на тоа што врнежите беа интензивни и опасни за безбедноста на минувачите.
Препорачано
Центарот за управување со кризи (ЦУК) преку бројот за итни повици 112 примил пријави за неколку заглавени возила, блокирани булевари, поплавени улици и паднати дрвја по невремето со обилен дожд и град кое попладнево го зафати Скопје.
Пријавено е дека на бул. „Никола Карев“ кај Бит Пазар, под Стоковна куќа Мост, има приближно 50 см вода. Целиот булевар е блокиран, а повеќе возила се заглавени.
Пријавено е дека на ул. „Петар Манџуков“ во населба Бутел улиците се поплавени, шахтите се запушени и водата не се повлекува.
Пријавено е за паднато дрво на ул. „Кочо Битолјанов“, од спротивната страна на „Алкалоид“, во близина на Скопска Пивара. Постои опасност дрвото да оштети електрични кабли.
Пријавено е за паднато дрво на ул. „Рузвелтова“, во близина на Сетек, Општина Карпош. Дрвото има блокирано три сообраќајни ленти, и во моментов проодна е само една лента.
Претходно попладнево слично невреме го зафати Дојран. Видео материјалите погледнете ги во продолжение.
Пријавено е за поплавена улица на булеварот „Македонска Косовска Бригада“ во Општина Чаир. Неколку возила се заглавени, а паркот во близина е исто така поплавен.
Пријавено е за навалена бандера од уличното осветлување на улицата „Народни Херои“ кај Мечкаров, во Општина Кисела Вода.
Надлежните служби се известени и ќе преземат соодветни мерки во рамки на својата надлежност.
