Најдобрите шпански кошаркари денеска го победија Кипар со 91:47 во третото коло од Групата Ц на Евробаскетот.

Натпреварот практично беше решен веќе во првата четвртина, кога актуелниот европски шампион оствари двоцифрена предност, а на полувремето имаше 24 коша позитива.

Во продолжение, играта се играше без многу интензитет, а прашањето беше само со која разлика Шпанците ќе ја постигнат победата.

До победата ги предводеа Вили Ернангомез со 19 поени и осум скока, Санти Хуста со 12, Марио Сен-Супери и Хуанчо Ернангомез со по девет, додека Дарио Бризуела и Хозеп Пуерто додадоа по осум.

За Кипар се истакнаа Дерел Вилис Џуниор со 16 поени и шест скока и Андреас Кристодулу со девет поени.

Во следното коло од групата Ц на 2 септември Шпанците ќе играат против Италија, додека Кипар за противник ќе ја има Грузија.