Легендарниот американски борач Хулк Хоган имаше свое шоу на последниот ден од републиканската национална конвенција во Милвоки. Поранешниот борач на WWE го отвори својот говор зборувајќи за енергијата во арената пред да започне со пофалби на поранешниот американски претседател Доналд Трамп.

„Кога дојдов овде вечерва имаше толку многу енергија во оваа соба. Мислев дека можеби сум во Медисон Сквер Гарден за да освојам уште една светска титула“, рече американскиот борач додека публиката извикуваше „САД! САД!“.

Тој потоа покажа на Трамп и рече дека „на крајот на денот со нашиот лидер таму горе – гладијаторот – повторно ќе ја обединиме Америка. Трамп ќе ја врати оваа земја на вистинскиот пат“, рече тој.

Поранешниот борач на WWE, додека зборуваше за обидот за атентат врз Трамп, си ја искина кошулата, како што тоа го правеше секогаш кога влегуваше во рингот за да се соочи со противниците. На маичката што ја носеше под неа пишуваше „Трамп, Венс“.

pic.twitter.com/lKYdBvKnK1

— Wrestle Ops (@WrestleOps) July 19, 2024

„Тие се обидоа да го убијат следниот претседател на САД. Доста е!“, нагласи тој и го нарече Трамп „вистински американски херој“.

Хоган, чие вистинско име е Тери Џин Болеа, рече дека како забавувач се обидел да остане надвор од политиката, но рече дека „веќе не може да молчи“ по последните четири години од администрацијата на Бајден и обидот за атентат врз поранешниот претседател во саботата.