Како дел од подготовките за пролетниот дел од сезоната фудбалерите на Шкупи славеа против Септември Софија од Бугарија со резултат 2:1.

Стрелци на головите за ФК Шкупи беа Џелил Асани и Аворнио кои ја обезбедија победата во овој контролен меч во Анталија, Турција.

Асани беше прецизен од белата точка, додека Аворнио го реализираше вториот гол после една прекрасна тимска акција. Шкупи имаше убедлив настап во текот на натпреварот создавајќи бројни шанси за гол. И покрај некои пропуштени прилики, момците на тренерот Алпарслан Ердем прикажаа организирана и со висок интензитет игра.

Екипата ќе ги продолжи подготовките во Анталија во следните неколку дена, а следниот контролен натпревар ќе го има против екипата на Кајсар од Казахстан на 6 февруари.

Претходно клубот од Чаир одигра уште еден пријателски натпревар, со 2:0 загуби од Полонија Варшава од Полска.