ВИДЕО: Шиков ни ја донесе досега единствената победа над Романија
Денеска со почеток од 20.45 часот во Букурешт нашата А репрезентација ќе го игра првиот натпревар од квалификациите за Светското првенство во Катар 2022 година.
Препорачано
Прв ривал на избраниците на селекторот Игор Ангеловски е Романија, популарните „рисови“ се надеваат на успешен старт, спремни за остварување на нивните цели, ветуваат дека ќе бидат вистински противници.
Во досегашните меѓусебни дуели, четирипати ги одмеривме силите во официјални мечеви, по двапати во квалификации за СП.
15 декември 1996 година Македонија-Романија 0:3
20 август 1997 година Романија-Македонија 4:2
4 септември 2004 година Романија-Македонија 2:1
30 март 2005 година Македонија-Романија 1:2
Последната пресметка се случи на 2 јуни 2010 година во пријателски натпревар одигран во Вилах, Австрија.
Тогаш триумфиравме со 1:0, после изведениот корнер од страна на Агим Ибраими во 28 минута, највисоко во казнетиот простор на Романците скокна Ванче Шиков кој со глава ја испрати топката во противничката мрежа.
