Денеска во 35 коло од најсилното италијанско првенство фудбалерите на Милан и Џенова во еден одличен натпревар исполнет со шест голови ремизираа 3:3.

На стадионот „Сан Сиро“ во Милано поведоа играчите на Џенова веќе по пет минути игра со голот на Ретеги од пенал. Непосредно пред крајот на првото полувреме „росонерите“ израмнија преку Флоренци (45`).

Екубан донесе нова минимална позитива за Џенова на стартот од вториот дел (48`), а во 72 минута повторно егал на мечот кој го донесе Габиа.

Само 180 секунди подоцна пресврт на Милан со погодокот на Жиру по асистенцијата на Палишиќ, а во 87 минута Џенова успеа да го избегне поразот благодарение на автоголот на Тао.

На табелата во Серија А Милан е на второто место со 71 бод, додека Џенова по 13 реми сезонава е на 12 место со 43 бодови. Во неделата се одиграа уште три натпревари: Каљари – Лече 1:1, Емполи – Фросиноне 0:0 и Верона – Фиорентина 2:1.