Денеска на стадионот „Артемио Франки“ се доигра прекинатиот натпревар од Серија А помеѓу Фиорентина и Интер.

Потсетување дека овој меч на 1 декември минатата година по 17 минути игра беше прекинат откако играчот на Фиорентина, Едоардо Бове доживеа срцев удар по што веднаш беше пренесен во болница.

Во меѓувреме фудбалерот на „виолетовите“ Бове закрепна, но веќе не може да настапува во италијанскиот шампионат бидејќи му е вграден дефибрилатор.

Фиорентина славеше убедливо со 3:0 против Интер, со двата голови на Моизе Кин во 68 и 89 минута, и еден на Лука Раниери во 59 минута од средбата.

Интер после вториот пораз сезонава во првенството останува на втората позиција со 51 бод, три помалку од водечкиот Наполи, додека Фиорентина после 12 триумф е на четвртото место со 42 бодови.