Вечерва продолжуваат возбудувањата во Лигата на шампионите, а својот натпревар го очекува и украински Шахтјор кој ќе се соочи со Болоња.

Шахтјор е домаќин на италијанскиот тим, но поради ситуацијата во Украина овој натпревар и останатите домашни украинскиот тим ќе ги игра во Гелзенкирхен на стадионот на Шалке.

За вечерашниот натпревар Шахтјор подготви и специјални дресови кои ќе бидат во боите на украинското знаме.

„Горди сме што сме Украинци“, објави Шахјтор како опис на видеото.

Ќе потсетиме, вообичаените домашни дресови на Шахтјор се во портокалова боја, додека гостинските се црни.

Натпреварот помеѓу Шахтјор и Болоња се игра во терминот од 18:45 часот.