Мег Рајан, тогаш етаблирана ѕвезда на романтични комедии, направи храбар чекор кој ја чинеше скапо, барем на краток рок. Филмската индустрија одамна е позната по својата непредвидливост, успехот на еден филм никогаш не е загарантиран, а актерите и режисерите честопати го балансираат уметничкиот израз со публика која можеби не е подготвена за она што го нудат.

Токму во овој контекст, Мег Рајан, тогаш етаблирана ѕвезда на романтични комедии, направи смел потег на почетокот на 2000-тите што ја чинеше скапо.

Од „девојка од соседството“ до контроверзна улога

Во текот на 1990-тите, Мег Рајан стана синоним за романтични комедии. Филмови како „Кога Хари ја запозна Сали“ и „Романса во Сиетл“ го зацврстија нејзиниот статус како актерка која внесува топлина, невиност и шарм во филмовите што ја слават љубовта.

Иако се појави и во посериозни проекти како што се „Топ Ган“ или „Дорс“, нејзината кариера во голема мера беше обележана со улоги што го одразуваа вообичаениот холивудски идеал за женственост.

Затоа за многумина беше шок кога таа одлучи да ја преземе главната улога во психолошкиот трилер „Во кадар“ (In the Cut) во 2003 година.

Филмот многу отстапуваше од сè што публиката дотогаш го поврзуваше со Рајан – имаше темна атмосфера, сексуално експлицитни сцени и лик кој се бори со сопствениот идентитет и сексуалност.

Во филмот, Рајан играше улога на наставничка која започнува афера со детектив кој истражува убиства во нејзиното соседство.

Критиките беа поделени, а реакциите на јавноста честопати беа жестоки. Некои ја осудуваа, други ја бранеа, но речиси никој не остана рамнодушен.

Социјалниот отпор и мизогинијата во сржта на проблемот

Нејзината изведба во филмот не беше проблемот, проблемот беше перцепцијата на публиката за актерката.

„Филмот „Во кадар“ беше сексуален, а сексот ги збунува луѓето. Никогаш не бев прикажана во таа светлина, беше различен од архетипот што ми беше доделен“, изјави актерката, пишува „Б92“ .

„Реакцијата на филмот беше брутална, можеше да биде последниот филм што некогаш сум го направила. Бев изненадена од негативните реакции. Го обожавав филмот, го обожавав целото искуство и ја обожавав Џејн“, додаде таа.

Со текот на годините, „Во кадар“ претрпе еден вид рехабилитација. Режисерката Џејн Кемпион, позната по филмови како „Пијано“ и „Светла ѕвезда“, се обиде да ја прикаже комплексноста на женската сексуалност преку овој проект и критички да им пристапи на романтичните митови што ги обликуваат меѓучовечките односи. Меган денес истакнува дека филмот бил „феминистичка деконструкција на романтичниот мит“.

„Драго ми е што денес можеме да разговараме за тој филм“, изјави Раџан за „Хот Корн“.

„Толку многу работи беа изгубени кога филмот излезе бидејќи сите беа фокусирани на голотијата и сензационализмот. Но, тоа беше интелигентен обид да се разложат тие идеи на парчиња за да се погледнат од нов агол.“