Во рамките од 30 коло во најквалитетната српска фудбалска лига составот на ТСЦ славеше на гостувањето кај Вождовац со 1:3.

Водеа домаќините со голот на Теодоровиќ од 13 минута, па израмнија гостите преку Јовановиќ (22`).

Ратков го донесе првото водство за ТСЦ во 30 минута, а конечниот епилог го постави македонскиот интернационалец Мартин Мирчевски (кој влезе во игра во 90 минута) во финишот во 96 минута.

За нашиот играч ова е седми гол сезонава во шампионатот на Србија во дресот на ТСЦ.

Неговиот клуб е на втората позиција во генералниот пласман со 62 бодови, 20 помалку од водечката Црвена звезда.