Матурантите на Економското училиште од Ниш кои во неделата се враќале од грчкиот остров Крф, за среќа останале неповредени откако од задниот дел на автобусот избил густ црн чад додека се движел по автопатот.

Според родителите, децата морале брзо да излезат од автобусот и да го продолжат патувањето со друг автобус кој дошол да ги земе, објавија српските медиуми.

„Трагедија не се случи, фала му на Бога, но можеше многу лесно да се случи“. Децата слушнале кога возачот разговарал со наставниците дека автобусот чади затоа што доводот на гориво бил прекинат, а потоа горивото капело на моторот“, вели мајката на едно од момчињата.

Според неа, некои од матурантите се жалеле на главоболка и мачнина за време на патувањето, но никој не придавал значење на тоа.

„Се надеваме дека ова ќе биде поука за другите туристички агенции, дека нема да испраќаат автобуси кои не се целосно функционални. Тој автобус се расипал двапати за четири дена“, вели соговорникиот за српските медиуми.

Според неа, по дефектот на автобусот што се случил во девет часот наутро во неделата, учениците се вратиле во Ниш околу три часот следното утро, во понеделник.

Сопственикот на туристичката агенција „ВИП Турс“ Слободан Тарлиќ изјави дека и двата автобуси што ги однеле учениците на Економското училиште на Крф пред поаѓањето биле на технички преглед и било потврдено дека се во добра состојба.

„Ако автобусот не работеше како што треба, немаше да може да помине повеќе од 700 километри од Ниш до Крф без проблеми. Никој не може да го предвиди дефектот, но тоа воопшто не беше толку драматично како што велат родителите. Немало пожар, безбедноста на патниците не била загрозена. Дошло до дефект, возачот видел дека задниот дел чади, застанал и учениците излегле надвор, изјавил Тарлиќ.

Според него, агенцијата за помалку од еден час ангажирала автобус од Грција кој ги транспортирал учениците до Солун.

Пред една недела на автопатот Белград-Ниш кај излезот Баточина, автобус кој превезуваше ученици од Ниш го проби насипот и удри во банкината на средината меѓу двата автопатски правци.

ВИДЕО: Автобус со српски ученици удри во банкина на автопат, на шоферот му се слошило