Даниел Стерн, кој се прослави како крадец во филмот „Сам дома“, денес живее повлечено, далеку од Холивуд.

„Сам дома“ е култен божиќен филм кој ја забавува публиката веќе три децении, а многу луѓе и денес со задоволство повторно го гледаат.

Главниот лик во филмот е Кевин Мекалистер, а многумина се сеќаваат на крадците од филмот кои го добија прекарот „Влажни бандити“. Крадците Марв и Хари ги глумеа Даниел Стерн и Џо Пеши, а многумина денес не би ги препознале.

 

View this post on Instagram

 

A post shared by Daniel Stern (@realdanielstern)

Во филмот „Сам дома“, крадците Марв и Хари беа жртви на стапиците на Кевин кои често оставале последици по нивните тела. Во една прилика, Даниел се наврати на повредите кои ги добил на снимањето, а кои не биле само филмска магија и шминка.

Стерн играше ликови во голем број комични улоги, како Фил Беркист во „City Slickers“ и „City Slickers II: The Legend of Curly Gold“ и Марв провалникот во првите два филма, „Home Alone“ и „Home Alone 2: Lost in New York“, со Џо Пеши.

Сепак, тој одби да го игра ликот повторно во четвртиот дел од франшизата, сметајќи дека сценариото е срам за оригиналниот филм.

Стерн режираше неколку епизоди од „The Wonder Years“ и играниот филм од 1993 година „Rookie of the Year“, а во последниве години режираше две епизоди од ТВ серијата „Менхетен“.

Денес, Даниел Стерн живее во изолација, далеку од метежот и вревата на Холивуд, но сè уште е активен во општеството. Тој е голем поддржувач на младинското образование и хуманитарната работа. Основал неколку добротворни организации кои ги поддржуваат уметничките и образовните програми за деца. Во 2009 година ја доби наградата Call to Service од тогашниот американски претседател Барак Обама за неговиот придонес во заедницата.