Американската актерка Шенон Доерти (52) е најпозната по улогата на Бренда во серијата „Беверли Хилс 90210“, но во последните осум години се бори со сериозна дијагноза на рак поради што беше подложена на мастектомија и хемотерапија и третмани со зрачење.

Актерката неколкупати на Инстаграм зборуваше за својата болест и борба, а со тоа сакаше да ги освести другите за важноста да се оди на прегледи.

А сега, за целата борба со ракот зборуваше и на панелот на „90s Con“ со колегите од споменатата серија, каде што и се расплака.

Иако не навлегувала во деталите од својата борба, на обожавателите им рекла дека за својот живот секој ден одново се бори и дека во моментов ѝ оди добро. Публиката потоа станала и ѝ дала поддршка со голем аплауз. Големата поддршка ја расплакала актерката, која не можела да ги сокрие емоциите и уште еднаш им се обратила на сите.

– Ви благодарам многу. Знаете колку сакам да плачам, постојано. И се чини дека навистина сакам. Ви благодарам – им порачала таа на насобраните.

Со неа на панелот разговарале и Џени Гарт, Брајан Остин Грин, Габриел Картерис, Џејсон Пристли, Иан Зиринг и Тори Спелинг. Телевизиската уредничка на „Пипл“, Брин Л. Хелдман, рекла дека енергијата на панелот по говорот на Шенон била неверојатна.

– Актерите и обожавателите станаа и ѝ дадоа огромни овации. Сите актери станаа, јас станав, аплаузот беше силен. Таа беше многу емотивна. Таа секако ја почувствува љубовта и тоа многу ѝ значеше. Тоа беше моќен момент – изјави Брин.

Да потсетиме, во 2020 година Шенон изјави за ГМА дека болеста се проширила и се вратила во четвртиот стадиум, а на почетокот на оваа година открила дека ракот се проширил на нејзиниот мозок и дека морала да оди на операција во јануари за да ѝ биде отстранет.

Таа потоа објави шокантно видео за да покаже како изгледа нејзината секојдневна борба.

„Мојот страв е очигледен. Исклучително сум клаустрофобична и поминав многу работи во животот. Среќна сум затоа што имам одлични лекари. Но тој страв… Промени… Времето во кое сето тоа доаѓа. Вака може да изгледа ракот“, рекла таа.

Многу следбеници во коментарите ја изразија својата поддршка и ја пофалија нејзината храброст.

„Толку те сакаме Шенон. Ние сме со тебе и бескрајно ти даваме поддршка“, напишаа тие.

Актерката неодамна се разведе од сопругот Курт Исвариенко, со кого беше во брак 11 години.

Со години се бори со ракот, а сега остана и без здравствено осигурување: Шенон Доерти се соочува со нова неправда

Води животна битка: На Шенон Доерти ракот ѝ се проширил на мозокот

ВИДЕО | Шенон Доерти објави емотивна снимка: Еве како може да изгледа ракот