Се појави нова снимка од вчерашниот силен земјотрес кој ја погоди хрватската област Далмација.

Земјотресот со јачина од 4.8 степени се случи вчеравечер околу 18:40 часот и траеше само 5-6 секунди, но тоа беше доволно за да предизвика вознемиреност кај жителите на северозападниот хрватски крајбрежен регион.

Епицентарот на потресот бил 15 километри североисточно од Стариград Пакленица.

Земјотресот го почувствувале жителите на поширокото подрачје на Задар, Лика, Далмација, како и во делови од соседна Босна и Херцеговина.

Улица во Паг вчера беше затворена откако земјотресот ја изместил за 12 сантиметри историската камбанарија во главниот град на островот, стара 800 години. Потоа имаше акција за отстранување на камбаната тешка двесте килограми. Надлежните соопштија дека откажала структурата и нешто пукнало, поради што ѕвоното се навалило.